للشاعر :ســـعــــد عـــــلـــــوش...............(اخـــــــذيـــــــــ ـنـــــــــــــي)...................:
إخذيني اليا عجبتـتس بـس ردينـي............وإن ماعجبتتس خلاص إخذيني ماابيني
مادامني شفت فيـتس الطهـر والعفـة..........باعيـف نفسـي لامنـتس كرهتينـي
إخذيني لو أعتبر من ضمن أشيـاءتس..........وانـا باحـبـتس ولا لازم تحبيـنـي
لابي علاقة ولابـي نظـرة وبسمـة.............إحساسي أني بقربـتس بـس يكفينـي
ولو إني أنضفت لأشياءتس غصب عنتس............طلـي علـي ياغناتـي لاتخليـنـي
تراي لاجا المصامـد مانـي بهيـن............تقـول كـن العـرب لعبـةٍ بيدينـي
شخصيتي مـن غرابتهـا وطيبتهـا...........كن الزمن في تحـدي بينـه وبينـي
إخذيني الشاعر اللي ماصدق حظـه............لاقلت ياحـظ وينـك؟ قـال ياوينـي
إخذيني المبـدع المتفلسـف التحفـة.............مؤمن وتضحك على العالم شياطينـي
شهرة شكسبير وأفلاطـون ونيوتـن..........لاقلت لي بيت شعر.. تطيح من عيني
إخذيني العنصري اللي صدق متعنصر.............من دون ربعي لو أقطـع شرايينـي
إخذيني اللي ليا منـه طلـب يعطـى............وتكفيـن لامـن طلبتـتس لاتردينـي
تكفيـن ياغايتـي يابهجـة الدنـيـا........اب أحرق قلـوب نـاسٍ ماتدانينـي
إخذيني بكـل شـوق وقولـي أحبـه.........وإن شككوا فيـتس ولا فـي ضمينـي
قولي سعـد والله انـه غالـي جـدا.............وياجعل فدوة شبابي وآخـر سنينـي
وانا باصـدق كلامـتس واعتنـز بالله...........وباقـول للنـاس مايعنيـتس يعنينـي
وانا علي نذر مارخص جيتتس وانتـي............نذر على رقبتك إنـتس .. ماتخلينـي